حاجة كنت كاتبها أيام ما اتضحك علينا
بتنحي جاب لنا العسكر اللي فرحنا بيهم
ساعتها
أيام اتضحك فيها علينا ولسه بيضحكوا
أيام اتضحك فيها علينا ولسه بيضحكوا
قلت أعشقك
قالوا عنك يا بلد
وقلت أنا
الشاعر فقير
عمره ما بشعره اغتنى
وكلام شعره ما اتغنى
غير بالكلام اللي
عن شعر البت سايل
وعن قد البت مايل
وعن كل حاجة في
عشق البت قايل
قلت أعشقك
يمكن عشقك ينسيني
عشق مرار زادك
يمكن حبك يدفيني
في برد ظلم مين ساسك
يمكن نورك يوريني
في عز الضلمة أحبابك
اللي تاهوا في درب الحب
بضرب القلب على بابك
ده لحم احبابك اتنهش
وعضم ولادك اتدشدش
وعرضهم ياولداه
صبح لعبة في ايد عيالك
اللي قالوا عن ولادك
عرضهم ليه ما يداس
عرض ولادك
صبح فرجة
وع المكشوف
اللي ما شافش أكيد
هيجي يوم ويشوف
ما قسم الشرطة
صبح فالح في
اللعب بالأجسام
صبح فالح يحلف
على عين
انها ما تنام
وصبح سيما يوريك
القصة والمنظر
اللي قالع ملط وفي
دبره زارعين
الخوف ما يتدور
والقصة كان انه زمان
علموه والديه ان الصلاة
في الجامع هي الأمان
دلوقتي في القسم
علموه إن الصلاة
ولو في البيت
برضك مالهاش أمان
ولما بقيتي يا بلدي
بتقسي وانتي مش عارفة
قلت أعشقك
يمكن عشقك ينسيني
المر اللي هنشوفه معاكي
اكمن في تونس اتخنقوا
تبقى تولع في كل العرب
اكمنه انتحر
تبقى موضة وليها نطاطي
وياريت يا بلد عرف يطاطي
مشى اللي شبعوا وقعد هو
ولعوا في حزبه وقعد هو
وكمان عزه راح منه
فكره شعبنا راح يطاطي
واكمن شعبنا أصله غشيم
قام ركب موجة مش موجته
واتلم الفاهم ع اللي مش فاهم
وولعوا في غلابته
بس شبابنا الواعي
وقف حارس زنهار
ووقفوا لكل اللي خرجهم
وزير باع ضميره وغار
ووقفوا لكل ايد
عاملة تنادي بدمار
في ميدان حريتك نادوا
بعلو الصوت ارحل يا نظام
كفاية نهب ومهانة
وارحل بكل احترام
والصدمة كانت قوية
ومكانته اللي كانت أبية
رضخت قدام الاعتصام
أصل دم الشهدا غالي
بلاش غالي
دم الشهدا طاهر
بلاش الاسم اللي مررنا
سنين طويلة وشحتنا
فلوسنا وهو بيغني
"بلدي يا أحلى فقيرة
بعيون دابلة حزينة
سرقت فلوسك في عبي
والود ودي ما أسيبك"
دلوقتي جيشك المجدع
بياناته واضحة وتسمع
كل الشباب إن المطالب
بكل الذوق بتتنفذ
وبكل الذوق يا شبابها
هتعلوا الراية على بابها
وهترفع جبينها فوق كل البشر
هترفعي جبينك يا بلدي
بايد شبابك المجدع
هما وجيشك في ست شهور
هيعملوا طفرة تسمع
يا بلد ولادك صحيوا من الغفلة
وهما اللي باقينلك في عز الأزمة
فصوني العهد ما بينهم
وحابي وحني عليهم
محمد قراعة
جميلة ماشاء الله ... حسيت فيها بروح الصعيد باينة اووووي ، قوية في معناها ... تسلم يارب عليها ...
ردحذفنورتيني وشرفتيني .. أخجلتم تواضعنا .. وربنا يخليكي على كلامك الجميل .
ردحذف