الحلقة الحادية عشر
* بعد ما شفنا المرة اللي فاتت محمد باشا لما كان عيان
والحمد لله أهو خف وعال العال ... وبسم الله ما شاء الله ... قرب يكمل سنة ..
ادعوا ربنا يتم عليه الصحة ... واهو بيكبر يوم بعد يوم ويلا نشوف حالته وهو
بيكبر....
محمود: هو الواد ده ايه عاجباه فكرة ان احنا نشيله ولا
ايه؟ ده قرب أهو على سنة ولا شفناه بيحبي ... أراهن على كام الواد ده بيحبي في
السر وبيستهبل علينا .
سلمى : هههههههههههههههه يا أخي حرام عليك .. ايه يعني
اتاخر انه يحبي شوية؟
محمد : غوغو .. هيه هيه .. جوجو
الترجمة: يا خوفي ليكون عرف السر ويذلني وما يرضاش
يشيلني
محمود بيوشوش سلمى: بقولك ايه لما يجي يشاور لينا عشان
نشيله سيبيه وابعدي عنه وهو ساعتها هيجيلك وهتعرفي كلامي .. يا بنتي اللي بيعمله
الواد ده لا يمكن يكون طبيعي
سلمى : طيب
محمد : واااء .. واااا.. هييييي
الترجمة: بيتوشوشوا ليه؟ ما هو ده مش مشهد رومانسي خالص
*وبعد اتفاق سلمى ومحمود على الولد الغلبان ... هنشوف
ايه اللي هيحصل
محمد ينظر لسلمى: هاهاا.. غوغو
الترجمة: يلا شيليني وخلصي
* سلمى تنفذ خطة محمود وتجلس في كرسي بعيد عن محمد
الغلبان
محمد : وااااااااااء ... واءواء.. وااااااااااااااااء
الترجمة: ايه حركات العيال دي ؟؟؟
* وللأسف يتصرف محمد بتلقائية ويضطر لاستخدام مواهبه
الخاصة ويحبي عشان يوصل لسلمى
محمود: شفتي ... أنا عارف ان الواد ده مشكلة ومالوش حل
أهو بيحبي وتقوليش ايه شوماخر في الفورميلا وان
محمد : هيييييييييييييييه ... هههههههههه... جوجو غاغا
... هههههه
الترجمة: ده انت طيب ... دي أول مواهبي ... ميعرفش يا
عيني اني بمشي كمان بس على قدي يعني بقوم واقع كتير ..هههههههههه
سلمى : يا لئيم يا محمد ويا ترى بيعرف يحبي من امتى
ومخلينا زي الهبل؟؟؟
محمد : هاهاها...هييييييييه
الترجمة: مش من كتير يا خسارة كلهم 4 شهور
سلمى : تفتكر يا حودة يكون بيمشي واحنا منعرفش
محمود: لأ لسه صغير شوية على المشي استني عليه 3 شهور
كمان ونبقى نعلمه
محمد : واااااا ........هيييييييه ......غغغغغغ
الترجمة: قشطة كده استهبل عليهم قيمة 5 شهور وكفاية نحبي
* وتمر فعلاً 4 شهور ومحمد غلبان بقى قال ايه وما بيعرفش
يمشي وسلمى ومحمود بيحاولوا يعلموه و محمود عمل الوجب واشترى مشاية كمان مع انها
قصمت وسطه ونشوف وهما بيعلموه....
محمود: يلا يلا تعالى لحضن بابا
محمد : هيييييييييييييييييييييه ... هههههههه
الترجمة: برضه هحبي وهوريك البدع
سلمى : طب تعالى لحضن ماما وخد بوسة
محمد : وااا ... ههه... جوجو... هههههههه
الترجمة: مش جاي عشان حركات العيال وادي البوسة لحودة
محمود: تعالي نحطه في المشاية ونجرب
سلمى : يلا بينا
* يضعان محمد في المشاية ....
محمد : وااااااااااااااااء...وااء ..وااءاءاءاء
الترجمة: مش عاوز امشي وبيمشوني بالاكراه فين حقوق
الطفل؟؟؟؟
سلمى : شيله منها يا حودة مضايقاه خلاص نصبر عليه شوية
هو لسه كده سنه طبيعي انه ما يمشيش مش بالضرورة
إن كل الأطفال على سن السنة تمشي
محمود: ماشي كلامك بس يارب ما يكون بيضحك علينا
ومستهبلنا زي حكاية انه ميعرفش يحبي
سلمى : لا متخافش
محمد : هههههههههههههههههههههههههههه (ضحكة خبيثة من
ضحكات توم & جيري)
الترجمة: مش هتكشفوني خالص المرة دي وهمشي بمزاجي
واستنوني يا أهل الجروب
سلام
وخلصت
كده الحلقة ويارب تعجبكم.. ونشوفكم الحلقة الجاية إن شاء الله 
ليست هناك تعليقات:
إرسال تعليق