الحلقة الخامسة
*طبعاً محمود كان خلاص هيخنق الدكتور ... بس ربنا ستر
وراح عشان يبارك لسلمى زي ما شفنا الحلقة اللي فاتت وكان خلاص كلها ست شهور والولد
يشرف في البيت .... هنشوف محمود عمل ايه مع سلمى في الست شهور....
محمود: من هنا ورايح ما تشيليش هم ... يعني... لا غسيل
ولا مسح ولا كنس ولا أي حاجة خالص
سلمى (في فرح): يعني انت هتقوم بده كله ؟
محمود: لأ طبعاً احنا هنسيب البيت يضرب يقلب الست شهور وبعد
ما تقومي بالسلامة تبقي تنضفيه وأنا احتمال أساعدك.
سلمى : بلاش هزار يا حودة بجد تعبانة
محمود: ألف سلامة...أكيد أنا اللي هعمل كل ده بس ما
تتعوديش
سلمى : تعبك على عيني يا حودة
محمود: تسلملي عيونك وتسلميلي من كل شر يارب
*تمر الست شهور ومحمود مثال لرجل البيت الشاطر (طالع
عينه طبعاً) وتيجي مصاريف الولادة
محمود: أدي اليوم اللي كنت عامل حسابه
سلمى (تصرخ) : خلاص يا محمود هولد ابعت هاتلي ماما
محمود: هانت يا حبيبتي دقيقة وأجيب عربية ونمشي نروح
المستشفى
*بعد ما ولدت وما لناش دخل في التفاصيل احتاروا في اسم
الولد
محمود: احنا نسميه محمد على اسم الرسول (ص)
سلمى : عليه الصلاة وأزكي السلام ونعم الأسامي يا حودة
حماة محمود: وليه ما اسم محمد متكرر ما نشوف اسم غيره
ويكون من أسماء النبي
محمود: يا حماتي والنبي أبوس ايدك أنا دماغي مقلوبة
وبتودي وبتجيب وهو اسم محمد اللي اخترته
سلمى : أيوه يا حودة وأنا موافقاك
* وخلاص رسيوا على اسم محمد والحمد لله
ونكمل
ونشوف الحلقة السادسة إن شاء الله
وياترى
الحياة بمحمد ولا من غيره أحلى وأسهل؟؟؟
ليست هناك تعليقات:
إرسال تعليق