الحلقة الرابعة
* بعد ما حودة زعل سلمى ما هانش عليه عشان قلبه طيب وراح
مصالحها علطول بس عارفين طبعاً دلع البنات
محمود: معلش يا سلمى بس انتي زعلتيني منك وغيظتيني
سلمى : لأ ابعد انا زعلانة منك
محمود: وان قلتلك وحياة الغالي عندك
سلمى : مفيش غالي عندي غير ماما وبابا
محمود: طب وحياتهم
سلمى : برضه زعلانة
محمود: طب وحياتي عندك ما تزعليش
سلمى : لولاش حلفتني بالغالي
محمود: مش كان من شوية رخيص ومش غالي عندك غير ماما
وبابا
سلمى : هو دايماً غالي عندي بس لما ما بيكونش رخم
محمود: يعني انا رخم؟؟؟؟
سلمى : انت طول عمرك سكر
* بعد ما اتصالحوا عاشوا أيام زي الفل لحد ما عدا شهرين
على جوازهم وفي يوم....
سلمى : الحقني يا محمود تعبانة ونفسي غامة عليا ودايخة
محمود: ثواني يا حبيبتي اجيبلك دكتور وأجي
محمود في نفسه : يارب ما يكونش عندها حاجة يارب خليهالي
* زي ما احنا عارفينه خيبة
الدكتور: يا سيدي مبروك
محمود: على ايه يا دكتور؟؟؟؟
الدكتور: هتبقى أب يا سيدي
محمود: بجد مش مصدق نفسي ... ألف شكر يا دكتور ... كم حساب حضرتك؟؟
الدكتور: أنا مش هقول كتير 200 جنيه كشف و 50 جنيه عشان
جيت البيت يبقى الحساب 300 جنيه
محمود: امال لما هتولد هيبقى كام ؟!
الدكتور: لا هيكون كتير .. حساب مستشفى ودكتور تخدير
وحساب اودة العمليات ومشوار كبير دلوقتي انا عاوز 300 جنيه واعمل حسابك انا عامل
لك Discount كبير عشان لسه عريس جديد
محمود: لأ ونعم الدكاترة اللي بتقدر بأمارة انك جامع
حسابك غلط خد حسابك 250 جنيه بدل ما ارتكب جناية
الدكتور: ماشي يا سيدي ومبروك تاني ولو عزتوني في حاجة
الاستشارة 75 جنيه بس
محمود: ده أنا أبقى جزمة لو شفتك صدفة حتى وسلمت عليك
روح لاموتك دلوقتي
سلمى : ايه يا حبيبي في ايه؟
محمود: ولا حاجة كنت بخلص حساب الدكتور مبروك علينا يا
حبيبتي وخلي بالك من نفسك من اليومين دول
سلمى : مبروك علينا
ونتابع
الحلقة الخامسة إن شاء الله 
هههههههههههههههه ... محمود ده طالع عينيه يا ولداه .. ربنا يعينه
ردحذف