الحلقة السادسة عشر
*سيبتكم المرة اللي فاتت مش عارفين إيه المشكلة ...
والمشكلة ما تيجوا نشوف
محمود في نفسه : مش هينفع اللي حصل لي ده .. ما هو ممكن
يحصل تاني .. غير إني بيجيلي صداع شديد من مدة , وأنا كنت بقول صداع ويعدي .. لازم
أكشف .. أنا هاخد أجازة بكره وأحول تأمين ... وربنا يستر
*وفي التأمين .. بعد ما سمعوا منه الأعراض بعد ما طلعوا
عينه في الأول حولوه لاستشاري المخ والأعصاب
الدكتور: يا أستاذ محمود لازم يكون بنا الصراحة .. أنا
شاكك في حاجة ويارب يكون شكي غلط .. بس لازم حضرتك تعملي التحاليل اللي طالبها منك
والأشعة وربنا يقدم اللي فيه الخير
محمود: ونعم بالله .. بس النتايج هتطلع بسرعة ان شاء
الله
الدكتور: على حسب التساهيل يا محمود يا بني ولو اتاخرت
تاخد يومين
محمود: اللي تشوفه يا دكتور
* كل ده بيحصل ومحمود على قد ما يقدر بيخبي على سلمى ..
بس هي حاسة .. وعشان هي عارفاه كويس ما سألتهوش ..
وبعد يومين ...... عند الدكتور
الدكتور: الحمد لله شكي طلع غلط .. مش هاخبي عليك أنا
كنت شاكك أنه ورم خبيث في المخ .. بس ربنا ستر وطلع حميد .. وربنا يكرمنا وما
نحتاجش لعملية ونستعمل الليزر لأن حجم الورم صغير وحضرتك جيت في البدايات وكمان مش
بيأثر كتير ع المخ
محمود: ربنا يطمنك يا دكتور ... بس ياترى الموضوع ده
ياخد وقت ..؟؟
الدكتور: مش كتير .. 5-7 أيام كده
محمود: بيني وبينك يا دكتور مخبي ع المدام في البيت عشان
ما تتخضش ... وكده طمنتيني .. هاقولها عندي مأمورية في الشغل .. وهاسافر أسبوع
الدكتور: ربنا يقومك ليها بالسلامة
*وفي البيت محمود رجع زي ما كان مفيش حاجة في دماغه..
مستني بس العملية
محمود: أسكتي يا سلمى مش عطولي مأمورية في الشغل أسبوع
سلمى : حلو قوي يا محمود .. بس .. انت كده هتسافر؟؟
محمود: أسبوع مش أكتر .. هتوحشوني فيه ..
سلمى : اوعى تكون ناوي تتجوز عليّ ... هههههههههههه ...
محمود: مش بعيد..
سلمى : اييييييييييييييييييييييه؟؟
محمود: وأنا اقدر يا حب عمري اللي هاموت وأنا متأكد انه
الحاجة الصح في حياتي
سلمى : بعد الشر .. ايه اللي جاب سيرة الموت؟
تروح
وتيجي بالسلامة.... هتوحشني.
محمود: تعالي في حضني .. هتوحشيني ... فين محمد؟؟
محمد : سايبك مع ماما براحتي وساكت
محمود: هتوحشني ... خلي بالك منها ومن البيت
*وفعلاً محمود قدم على اجازة مرضي اسبوع من الشغل ..
والدكتور استأصل الورم والحمد لله لحد دلوقتي مفيش مضاعفات وباقي الخمس أيام كانت
متابعة
وبعد مرور الخمس أيام....
الدكتور: ألف مبروك يا أستاذ محمود .. نقدر نقول انك
خفيت دلوقتي بس من وقت للتاني تيجي لنا عشان نتابعك .. وأظن إن مكان المعهد ما
يتوهش
محمود: من غير ما اتابع .. أنا اجي اسلم عليك يا دكتور
.. شكراً على معاملتك الطيبة ورعايتك لي ... والحمد لله أنه خلى شفائي على ايديك
الدكتور: ربنا يكرمك .. ده واجبنا.. في رعاية الله
* ورجع للبيت
سلمى : ايه يا حودة العروسة ما عجبتكش غير 5 أيام بس؟؟؟
محمود: ما عجبتنيش من أول يوم وحياتك
سلمى : اتجوزت عليا وهنت عليك.. (دموع في عينيها)
محمود: بتفكريني بأيام زمان .. ما اتغيرتيش يا سلمى ..
تهزري ومش قد الهزار وبتصدقي أي حاجة من طيبتك ... واحدة بالصفات الحلوة دي ربنا
كرمني بيها .. أتجوز عليها ليه
ولا أنا عيني فارغة وخلاص.. وياستي رجعت بدري من كتر ما
وحشتوني .. خلصت الشغل اللي في ايدي بكل سرعة .. فخلص في 5 أيام
سلمى : .......................................
محمود: مالك يا سلمى ساكتة ليه ..؟
سلمى : مش عارفة أتكلم وحاسة اني وحشة عشان تملي أظلمك
من غير ما افكر....
محمود: ما تكمليش .. اللي بتعمليه معايا ده من حبك
وغيرتك عليا ودي طبيعتك اللي حبيتك بيها
سلمى : يخليك ليا يا حودة .. ما كسرتش بخاطري أبداً ..
وطول عمرك مستحملني
محمود: بحبك .. هعمل ايه يعني...
محمد: نحن هنا ... مين حضرتك .. البطاقة لو سمحت
محمود: لأ حمش يا واد... وحشتني يا محمد .. وياترى كنت
واخد بالك من البيت ولا علي أنا بس
محمد : ده أنا كنت بشوف بطاقتها هي شخصياً .. مش بقراها
طبعاً .. بشوف الصورة
محمود: هههههههههههههههههههههه
ربنا
يخليكوا ليا والحمد لله على نعمته فيكوا
سلمى : البيت كان من غيرك وحش ... ربنا يخليك يا حودة يارب الحلقة تعجبكم
ونشوفكم الحلقة الجاية إن شاء الله
ليست هناك تعليقات:
إرسال تعليق