الحلقة الثالثة عشر
* المرة اللي فاتت محمد باشا على حسب كلامه اترقى في
السجن وبقى يا ناس ايه في KG2 مرة واحدة يعني بالنسبة لأي طفل ده واد معدي
وخلاص بقى عبقري ... بس زي ما احنا ملاحظين محمد بيه من ساعة ما ظهر وهو قدوة
منيلة بستين نيلة .... هل ده ينفع يكون مع أشبال الطفولة في الحضانة؟!!!!!!!!!!
... يلا نشوف
سلمى : يلا يا محمد اصحى عشان نروح الحضانة
محمد : هو السجن بيصحو له بدري .... سيبيني براحتي
محمود: يلا يا حبيبي عشان ما نتأخرش
محمد : وهيحصل ايه يعني؟؟
محمود: مش هيرضوا يدخلوك وتبقى مشكلة
محمد : بجد ... طب سيبوني نايم
سلمى : بطل خفة دم وقوم
محمد : ده كلام يقولوه لأطفال وبعدين يقولوا مش متربي
سلمى : خلاص ... يا سيدي ... يلا قوم عشان خاطري
محمد : حاضر مع اني لسه فاكر حركات العيال بتاعة زمان
* محمد زي ما احنا ملاحظين من الأول ما شرفنا أنه لماح
وبيحفظ الكلام فما نستغربش من اللغة بتاعته ... زائد انه هو دايماً سابق سنه ...
ومعلش انا مكبره شوية
يعني زي نسمة اللي في KG2 ... وزي ما وعدت مفيش نص لسان
سلمى : أي حركات عيال ؟؟؟
محمد : خلاص ... خليني ناسي
محمود: يلا بقى عشان ما اتاخرش انا كمان على شغلي
محمد : يلا انا خلصت
* ويروحوا للحضانة وزي ما تقولوا محمد غار من بقية
العيال وقال ابكي واعمل الحركات القرعة
بتاعة العيال ....
محمود: يلا وصلنا الحضانة ... هتعجبك قوي يا محمد
محمد : لاااااااااااااااااااااااا ... مش هادخل ... عاوز
أروح ... انا عاوز اروح مع بابا
محمود: شفتي يا ستي قلتلك ما اجيش معاكم عشان ما يشبطش
فيا وانتي تقوليلي في الحضانة يتصرفوا ... اتصرفي
سلمى : هدي نفسك .. صحتك
محمد : ما تخافيش عليه قوي
محمود: شوفي الواد بينق عليا ... خش يا بني الحضانة
وانجز
* محمد افتكر بر الوالدين وسمع الكلام ... وابتدا اليوم
في الحضانة ونشوف الباشا في الفصل
المدرسة: السلام عليكم ورحمة الله وبركاته
كل الفصل : وعليكم السلام ورحمة الله وبركاته
محمد : ايه الصوت العالي ده كله.. واحد بس كان يرد
المدرسة: تعالى هنا يا حبيبي .... انت متأكد انك في KG2 مش اولى ابتدائي؟؟
محمد : هو ناقص كل مدرسة تشوفني ترقيني في الحضانة ..
عاوزين توصلوني اولى ابتدائي واذاكر ... ولا شكل حضرتك فكرتيني سقطت في KG2 وعدتها تاني
المدرسة: خلاص .. هههههههه ... انت شكلك لمض بس دمك خفيف
محمد : شكراً
محمد (في نفسه): ده اللي ناقص بيعاكسوني من أول يوم
وفاكراني هاطب ... لكن على مين
* قولتلكم شايف نفسه ورخم ... غلبت معاه
المدرسة: انا اللي هاذاكر معاكم عربي وEnglish والحساب والدين .. يعني هاذاكر معاكم كل حاجة وهنحكي حواديت
وحاجات كتير ونلعب مع بعض كمان
محمد : هو مفيش حد تاني ؟؟؟
المدرسة: في كتير بس كل واحدة مننا ليها Class ولا انت زهقت مني ؟؟؟
محمد : لأ
محمد (في نفسه): يارب ما ازهقكش منها
* بعد شوية
المدرسة: يلا نلعب شوية
*محمد تقريباً دي اول مرة يلعب مع اطفال من نفس عمره
ويتعامل مع اطفال ... يلا نشوف
طفل (1): يلا نلعب استغماية
محمد: وايه استغماية دي؟
* على فكرة محمد بيستعبط .. عاوز يعرف فكر الأطفال ...
أصلي نسيت اقولكم محمد اتربى قدام التليفزيون والدش مش قدام Space Toon , MBC3
طفل (2): دي لعبة سهلة كلنا نستخبى وواحد هيغمي عينه
ويدر علينا واللي يلاقيه يغمي عينه ويبقى مكانه
محمد : طيب يلا اغمي عينك وانت اجري ورانا
* شوفوا سلامة نية الطفل اللي هيلعب معاه ... هيروحلوا
بنفسه عشان يغميله عينه .. بس محمد هيعمل حركة شافها في فيلم كاراتيه ... كانت عين
الواد هتروح...
محمد : تعالى اغمي عينك
طفل (2): انا جاي اهوه
* ويدب محمد احد اصابعه في عين الطفل .. وخلاص عين الواد
هتتصفى ,,, ونتابع المشهد ..... بس طبعاً عشان امن الحضانة وخايفيبن على مستقبل
محمد ... هتلحق المدرسة الموضوع ونلحق عين الواد
المدرسة: اوعى تعمل كده تاني .... وبكره بابا يجي معاك
محمد : ليه هو صغر تاني هيجي معايا الحضانة
المدرسة: لأ ... يجي عشان اشكيك ليه
محمد: طيب
* وبكده خلص اول يوم ... ونعم الطلاب محمد من اول يوم في
حضانة وهيجيب ولي أمره ونكمل المرة الجاية
محمد
يسلم عليكم
وبيقول
أي خدمة اشوفكم المرة الجاية إن شاء الله
ليست هناك تعليقات:
إرسال تعليق