الحلقة العاشرة
* بعد ما شفنا المرة اللي فاتت ومحمود يا عيني ما أكلش
بسبب غيارات محمد باشا اللي سلمى اهتمت بيها اكتر من حودة وطبعاً شفنا محمد اللي
بيعند في أبوه وما نامش عشان ما يوكلهوش ... هنشوف ايه اللي هيحصل المرة دي؟؟؟
محمود: اذيك يا سلمى أنا جيت ؟
سلمى(في هدوء وحزن) : حمد الله على السلامة ... دقيقتين
والعشاء يبقى جاهز
محمود: استني هنا لا عشاء ولا غيره ... انتي زعلانة مني
؟؟
سلمى(والدموع تترقرق في عيناها) : وأنا أقدر أزعل منك
محمود: لأ بجد قلبك أسود ... كل ده عشان زعقت امبارح
عشان ما أكلتش وانتي عارفة اني بحب الأكل وخصوصاً من ايدك ... يعني زعقت غصب عني
... خلاص
سلمى(وقد انهمرت الدموع): خلاص بس .....
*وقبل أن تكمل يتجه لها محمود ويضمها بين يديه ويقبل
يديها وجبينها ....وفجأة
محمود: انتي نيمتي الواد ابن اللذينا ده ولا؟؟
سلمى : نايم في سابع نومة
محمود: الحمد لله
محمود وسلمى: هههههههههههههه ... بجد فعلاً ولدنا ده
مشكلة بس زي العسل
محمود: ربنا يخليه وعقبال ربنا ما يفتح علينا وساعتها
نخاويه ان شاء الله
محمد(وهو نائم) : ممممممممم..هيهيههي
الترجمة: سايبك بمزاجي المرة دي ونايم
* وخلاص محمود صالح سلمى ومحمد سابهم بمزاجه وراح محمود
وسلمى عشان يناموا وفي عز الليل ........
محمد:
وااااااااااااااااااااااااااااااااااااااااااااااااااااااااااااااااااااااااااااء
... (يصرخ) وااااء ...وواااءء
الترجمة: آه بطني وجعاني مش عارف اللبن كان متسمم ولا
ايه ... ده جزاتي عشان سيبته المرة دي
محمود وسلمى: الولد (بفزع) ... يلا بينا بسرعة نشوفه
ويارب خير ان شاء الله
سلمى : اطلب الدكتور بسرعة عقبال ما اشوفه
محمود: هاطلبه علطول
* يجي الدكتور بسرعة .... ويكشف على محمد ونشوف...
محمد: واااء ... واااءووواء وااء
الترجمة: مين ده اللي جايبينه مش كفاية عيان جايبين ضيوف
الدكتور(بيحايل محمد) وبيكشف بالسماعة
محمد: آه ووااءءءءءءءءءءءوااء
الترجمة: البتاعة اللي بيحطها ساقعة قوي ده غبي ولا ايه؟
الدكتور: خلاص يا حبيبي انا خلصت
محمود: خير يا دكتور ؟؟؟
الدكتور: يا جماعة ما تقلقوش ده شوية برد بسيطة جداً بس
العسول بيدلع عليكم شوية
وانا هكتبله على دوا بس للوقاية مش اكتر
محمد: وااااااااااء... وووءووءوءو
الترجمة: يعني انا بمثل .. آه يا دكتور الغفلة
محمود: متشكرين يا دكتور ... اتفضل
* ويخلص محمود الحساب مع الدكتور ويرجع ملهوف عشان يطمن
على محمد باشا
محمود(بيلاعب محمد): ايه يا سيدي .. موتنا من الرعب عليك
محمد:هيييييييييييييهههههههههههههههههه
الترجمة: غصب عني المرة دي تعبت مرة واحدة فما سيبتكش
تكمل المشهد الرومانسي
سلمى : انا خلاص قلبي وقع في رجليا وما اخدتش نفسي غير
لما الدكتور طمني
محمود وسلمى: الحمد لله انه بخير
ونشوفكم الحلقة الجاية إن شاء الله
ليست هناك تعليقات:
إرسال تعليق