الحلقة الثالثة
* بعد ما عدت حكاية الأنبوبة ايه اللي هيحصل؟؟؟؟
الحمد لله وبعد عناء دام استمر يومين تمكن محمود من فض
الاشتباك ومرت ليلتهم الثالثة على خير ( شرفنا يا جدعان)
وبعد يومين
سلمى : ماما وحشتني عاوزة أشوفها
محمود: هي مش كانت عندنا تاني يوم الصباحية
سلمى : بس وحشتني
محمود: ما تشوفيش وحش
سلمى : وحشني بيتنا والنبي ما تبقاش رخم ووديني عندهم
محمود: عشان خاطر عيونك المرة دي بس ما تتعوديش
سلمى : انا تحت أمرك
* وبعد ما غيروا اللبس راحوا لماما وطلع عينهم في
المواصلات عبالة ما وصلوا
محمود: يلا بس مش هنطول وليكي عليا أفسحك
سلمى : طب يا عم
محمود: طلعي وقوليلهم اني جاي وراكي
سلمى : رايح فين؟؟
محمود: يعني اطلع بايدي فاضية ؟ رايح أشتري علبة جاتوه
أو أي حلويات
سلمى : طول عمرك ذوق
* وبعد ما دخلوا وقعدوا وحكوا وكانوا متفقين ما يطولوش
قعدوا حوالي اربع ساعات بس .. مشيوا
سلمى : يلا فسحني زي ما قلت
محمود: ما كان من بدري يا ماما خلاص فضيت المولد
سلمى : يعني ايه؟؟؟
محمود: ليكي أربع ساعات بتحكي وكمان عاوزة تتفسحي ... طبعاً
مفيش فسح وده أقل عقاب ليكي عشان ما سمعتيش الكلام
* وروحوا ودي كانت أول مرة يزعل فيها سلمى ويباتوا
متخاصمين.
ونكمل الحلقة الرابعة ان شاء الله
ونكمل الحلقة الرابعة ان شاء الله
ليست هناك تعليقات:
إرسال تعليق