الحلقة الثانية عشر
*بعد ما شايفين خبث الأطفال من محمد باشا اللي قريب خلاص
هيحضر دكتوراة في عند الأطفال والرخامة ...... متهيألي نزلت عليه لحظة من بر
الوالدين وقال كفاية اللي بعمله فيهم وأبدأ أمشي .... أصله خاف من حاجتين ...
الأولى انه من كتر الاستهبال ينسى المشي ويبدأ المشوار من أول وجديد ... الثاني
انه خاف يبقى قدوة سيئة لأطفال جيله .... معلش عايش الدور حبتين ... هنشوف هيعمل
ايه المرة دي...
محمود: يلا يا سلمى النهاردة إجازة تعالي نتفسح في أي
جنينة وبالمرة نعلم البيه محمد المشي يمكن الطبيعة تساعد .
محمد : هههههههه ....... هييييييييييييه .. غغغغ
الترجمة: على أساس اني مولود في الغابة .. يا عم خلاص
همشي من غير ما نتفسح
* وفعلاً محمد يمشي مرة واحدة زي ما تقولوا مش عاوز ينزل
ويبقى منظره بايخ قدام الناس .... وبالمرة يوفر لأبوه الفلوس ... شايفين بر
الوالدين
سلمى : شكله كده برضه كان بيستهبلنا ... ههههههههه
محمد : ههههههه ... هيييه
الترجمة: خلاص قلبك ابيض
* وخلاص عدت الفترة دي من عمر محمد بلغته الغريبة
وبترجمتها اللي خايف تكون زهقتكوا ... وبتمر الأيام وبسرعة كده محمد وصل للحضانة
وبيقدموله في KG1 .. هنشوف ايه اللي هيحصل
محمود: بصي يا سلمى انا هعدي على الحضانة القريبة مننا
دي أسأل على الاجراءات قبل ما اروح للشغل ... بس انتي حضري الورق المعروف زي شهادة
الميلاد والحاجات دي عشان ما نتوهش عليهم بعدين .. يلا سلام
سلمى : سلام يا حودة ... تيجي بالسلامة
محمد : لام أودة
الترجمة: سلام حودة
* محمد اتعلم الكلام كمان بس بعيد عنكم ما بطلش رخامة
وعامل فيها بنص لسان ومعيشهم في رعب وخايفين ما يقبلش في الحضانة ... بس هو عامل
حسابه
محمود: الحمد خير يا سلمى عمر محمد ينفع في الحضانة
والطلبات سهلة وانا اشتريت ملف التقديم وكله تمام
سلمى : طب وفلوس الحضانة يا حودة ؟؟؟
محمود: ربنا يسهل وتتدبر .... ما تشيليش هم
سلمى : ربنا يخليك لينا ... بس قولي عشان ابقى عارفة
محمود: حاضر يا ستي هما قسط اول 500 جنيه ... وتبقى زيهم
في القسط التاني
سلمى : يا خبر... طب وعلى رأيك هناكل طوب طول الشهر
يعني؟؟؟
محمود: يا بنتي يعني انتي مش عارفاني ... انا عامل حسابي
وشايل فلوس على جنب يعني الحمد لله متدبرة وهتاكلي طول الشهر ... ما تخافيش ،،
انتي ومحمد عندي بالدنيا
محمد : أووووووووودة
محمود: يا بني اسمها حودة بس ولا يهمك من بقك حلوة ..
يلا ابسط هتروح مكان حلو خالص اسمه الحضانة
محمد : لاااااااااااااااا...... مس الوة
* قريب هنخلص من النص لسان ما تخافوش اول ما هنقدمله في
الحضانة
محمود: خلاص لما نروح انت هتشوف بنفسك
محمد : تيب ... بس مس الوة
* طبعاً اللي بيحصل لأي عيل قبل ما يقدموله في الحضانة
بنحفظه اسمه والأرقام والألوان وبحفظه كام سورة من القرآن و بالمرة شوية حيوانات
... وبما اننا عارفين ان الدكتور محمد دكتور الرخامة فلسه شغال معاهم بنص لسان
وعامل عبيط .. نتخيل الموقف ابنك بنص لسان ورايح تقدمله في الحضانة ... مثلاً يقول
انب اللي هي طبعاً ارنب ... وهكذا ، هيبقى ايه موقفك ... أكيد هيرفضوه ... فيلا
نشوف ..
محمود: محمد اوعى تنسى اللي حفظناه ... وتنطق الحروف صح
محمد : تيب
سلمى : يا لهوي ... ده بيقول تيب ... مش هيبقلوه
محمود: يلا على البركة .. احنا ندعيله ويارب يعدي ببركة
دعاء الوالدين
* هنشوف بقى سي محمد باشا هيعمل ايه مع المدرسة اللي
هتمتحنه ...
المدرسة: اذيك يا حبيبي ... عامل ايه ؟؟
محمد : أنا الحمد لله وانتي؟
المدرسة: كويسة ... اسمك ايه بقى؟؟
محمد : محمد
محمد في نفسه: ايه التفاهة دي؟ ده امتحان KG1
المدرسة: تعرف ايه في الأرقام؟؟
محمد : اللي تحبي أسمعه
المدرسة: طب قول من 1 ل 10
محمد : عربي ولا انجليش ؟؟؟
المدرسة: اللي انت عارفه
محمد : 12345678910،12345678910
* معلش مش هكتبهم تخيلوا انه قالهم وما تخافوش هو مش بنص
لسان
المدرسة: برافوووووووو ... تعرف ايه في الألوان؟
محمد : أحمر .. اصفر ... ازرق ... أخضر ...
المدرسة: خلاص ... برافووو .. طيب حافظ ايه في القرآن؟؟؟
محمد : الفاتحة والإخلاص والفلق والناس
المدرسة: خلاص وانا مصدقاك ما تسمعش
محمد : لو عاوزة اسمعهم
المدرسة: لأ ده انت شاطر خالص وبتعرف تتكلم ... بتعرف
تكتب؟؟؟
محمد : طبعاً .. هاتي ورقة وهاكتب اسمي
المدرسة: طيب وريني
* وكتب اسمه طبعاً بس خط أطفال ونكش فراخ .. وعلى فكرة
هو لسه مبتدأ كتابه يعني مش من مواهبه الخاصة...
المدرسة: لأ انت كويس خالص وما تنفعش في KG1 انت هتروح KG2
محمد : شكراً
محمد في نفسه: يعني هيا ناقصة بدل ما اخش سنة اولى سجن
يرقوني ويدخلوني سنة تانية سجن ... ماشي يا حودة .. وانت يا محمد حسابك معايا
* طلع محمد ووشه زعلان فأبوه وأمه فكروه انه قبلوش بيه
... لكن المفاجأة ان المدرسة قالتلهم ده اتقبل في KG2
مش في KG1 لأن مستواه عالي وعرف يجاوب وكمان يكتب.... وطبعاً محمود كان
هتجيله حالة عصبية لما عرف ان محمد كان مستهبلهم للمرة الثالثة وعاش عليهم فترة
وهو بنص لسان .... بس الحمد لله ان محمد اتقبل ... ونكمل الحلقة الجاية.....
ومحمد
بيقولكم
أسوفكم
الحلكة الأية....
لام
*معلش عملها فيا وخلى نفسه نص لسان ......
أنا حتى الان القصة عجباني جدا... أحسن قرار أخذته في حياتي إني قرأت القصة دي و إتعرفت على حضرتك... كنت فاكرة إني بعرف أكتب حلو بس طبعا قصتي بجانب قصتك خليت الوضع إختلف تماما ^_^
ردحذفربنا يخليكي .. أخجلتم تواضعنا .. بس مين قال إن الوضع اختلف تماماً لا بتكتبي حلو جداً وأنا قريت "نور حماي" فكرتها جميلة والأسلوب حلو خالص ومشوق .. وأنا ليا الشرف إني اتعرفت عليكي .. نورتيني في بيت المتجوزين المتواضع
ردحذف